ტრენინგების ანგარიშები

ტრენინგის ანგარიში

ტრენინგი თემაზე ,,ინფორმაციულ-საკომუნიკაციო ტექნოლოგიების გამოყენება სასწავლო პროცესში“.

1.ჩატარების პერიდი/ თარიღი

10.10.2012-16.12.2012   39 საათის  ხანგრძლივობით.

2.ჩატარების ადგილი.

ზესტაფონი, მე-7 საჯარო სკოლა

3.აქტივობის ორგანიზატორი

სსიპ ,, მასწავლებელთა პროფესიული განვითარების ეროვნული ცენტრი“.

4.მიზნობრივი ჯგუფი.

საჯარო სკოლის პედაგოგები.

5. აქტივობის მიზანი

საქართველოს სკოლების მასწავლებელთა პროფესიული განვითარება, ინფორმაციულ-საკომუნიკაციო ტექნოლოგიების ათვისებისა და გამოყენების კუთხით, რაც ხელს შეუწყობს სასწავლო პროცესში ისტ-ის ინტეგრირებას ეროვნული სასწავლო გეგმის მოთხოვნებისა და მასწავლებელთა პროფესიული სტანდარტების შესაბამისად.

6. აქტივობის დეტალური აღწერა

აღნიშნული ტრენინგ-კურსი მოიცავდა ოთხ მოდულს. კურსის სრული ხანგრძლივობა იყო ცამეტი სამსაათიანი ტრენინგი.
პირველი დღის პირველ სესიაზე ტრენინგის მონაწილეებმა გავიცანით ერთმანეთი. ტრენერმა დავით ნოზაძემ გაგვაცნო კურსის მიზანი, შედეგები, განრიგი, საორგანიზაციო საკითხები, მუშაობის ფორმები, სამუშაო წესები, მონაწილეთა შეფასების საკითხები.  ისაუბრა ისტ-ის ( ინფორმაციულ-საკომუნიკაციო ტექნოლოგიები) როლსა  და მიზნებზე სასწავლო პროცესში; სწავლება-სწავლის თანამედროვე მიდგომებსა და საინფორმაციო ტექნოლოგიებზე; მასწავლებლის კომპეტენციების სტანდარტზე  ინფორმაციულ-საკომუნიკაციო ტექნოლოგიებში; სასწავლო პროცესის ძირითადი ერთეულებსა და ინფორმაციულ-საკომუნიკაციო ტექნოლოგიების გამოყენებაზე.ჩაგვიტარა ლექცია PowerPoint პრეზენტაციის გამოყენებით, გაგვაცნო კურსის სილაბუსი. ტრენინგ-მოდულის ბოლოს შევავსეთ შეფასების კითხვარები.
მეორე მოდულის პირველ დღეს გავიხსენეთ წინა ტრენინგი და გავეცანით მოცემული ტრენინგის ამოცანებსა და შედეგებს, კერძოდ: გაკვეთილის ორგანიზების ძირითად საფეხურებს: დაგეგმვა, მომზადება, წარმართვა, შეფასება. აგრეთვე გაკვეთილის სამფაზიან მოდულს, გაკვეთილის დაგეგმვას და გეგმის ელექტრონული ვერსიის მომზადებას. ტრენინგ-დღის ბოლოს შევავსეთ შეფასების კითხვარები.
მეორე მოდულის მეორე დღეს გავაგრძელეთ ისტ-ის გამოყენება გაკვეთილის დაგეგმვის პროცესში, ვისწავლეთ გაკვეთილის დაგეგმვისა და ჩატარებისათვის საჭირო ინფორმაციის მოძიება ინტერნეტ ბრაუზერისა და საძიებო სისტემის საშუალებით. გავეცანით ტექნოლოგიებით გამდიდრებული გაკვეთილის დაგეგმვის ხერხებს. ტრენინგ-დღის ბოლოს შევავსეთ შეფასების კითხვარები.
მეორე მოდულის მესამე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: დისკუსია: რატომ არის მნიშვნელოვანი ვიზუალური მასალის გამოყენება სწავლა-სწავლების  პროცესში? რა მახასიათებლები აქვს ეფექტიან ვიზუალურ მასალას; სასწავლო პრეზენტაციის მომზადება საპრეზენტაციო პროგრამაში; MS PP პროგრამა ტრენინგ-დღის ბოლოს შევავსეთ შეფასების კითხვარები.
მეორე მოდულის მეოთხე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: მუშაობა მცირე ჯგუფებში: პრეზენტაციის მომზადება შერჩეულ თემაზე; პრეზენტაციის წარმართვა; მოვამზადეთ სამოდელო პრეზენტაცია და წარვუდგინეთ აუდიტორიას, რის შემდეგაც შევავსეთ შეფასების ბარათები.
მეორე მოდულის მეხუთე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: ვირტუალური ლაბორატორია და ელექტრონული თამაშები; აუდიო და ვიდეო საშუალებების ეფექტიანი გამოყენება სასწავლო პროცესში; აუდიო და ვიდეოფაილების მოძიება და ჩამოტვირთვა.
მეორე მოდულის მეექვსე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: ფიზიკური გარემოს მოწყობა, ტექნიკური აღჭურვილობის გამართვა, სასწავლო მასალის/რესურსების დამზადება, მცირე და მრავალკომპიუტერიანი კლასის მართვა, ელექტრონული რესურსების საცავი, Lemill-ის მიმოხილვა.
მეორე მოდულის მეხუთე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: სწავლის შეფასება ( შეფასების ძირითადი პრინციპები და მეთოდები) გაკვეთილის შეფასება ( რუბრიკის დამზადება, პრეზენტაციები).
მეორე მოდულის მერვე დღეს გავიხსენეთ წინა ტრენინგი და გავეცანით მოცემული ტრენინგ-დღის ამოცანებსა და შედეგებს, კერძოდ: ისტ-ის გამოყენება მრავალკომპონენტიანი შეფასებისათვის; პირადი ელექტრონული დღიური ( ბლოგი); სემესტრული  ნიშნის გამოყვანა ელექტრონული ცხრილის გამოყენებით, ბლოგის დარეგისტრირება. ტრენინგ-მოდულის ბოლოს შევავსეთ შეფასების კითხვარები.
მესამე მოდულში გავეცანით სასწავლო პროექს და ეფექტური სასწავლო პროექტის ძირითად მახასიათებლებს, პროექტის დაგეგმვასა და აღწერას, თანამშრომლობითი საწავლო პროექტის დაგეგმვას ისტ-ის გამოყენებით. ტრენინგ-მოდულის ბოლოს შევავსეთ შეფასების კითხვარები.
მეოთხე მოდულში ვისწავლეთ მასწავლებლის თვით შეფასების ფორმები და ისტ ინსტრუმენტები, სლაიდშოუს გამოყენება, მასწავლებლიოს პორტფოლიო; Google სერვისები: ბლოგი, ფორუმი, საიტი, თარჯიმანი, Lemill. მოდულის დამთავრების შემდეგ შევავსეთ შეფასების ბარათები.

7.მიზნის მიღწევის ხარისხი

ტრენინგ-კურსის ბოლოს მონაწილეებს უნდა წარედგინატ საწავლო პროექტი თან დართული პრეზენტაციით ,განთავსებული ბლოგზე; გაკვეთილის გეგმა თან დართული პრეზენტაციით განთავსებული Lemill.net-ზე.რაც კურსის წარმატებით დაძლევის და სერტიფიკათის მიღების წინაპირობა იყო.

8.მნიშვნელობის დასაბუთება 

ტრენინგი ჩემთვის მეტად ნაყოფიერი იყო. ტრენინგის დახმარებით ჩემი ზედაპირული 

ცოდნა ამ საკითხებთან დაკავშირებით უფრო საფუძვლიანი გახდა,  დავრწმუნდი მათი 

გამოყენების აუცილებლობა - საჭიროებაში. მივხვდი, რომ მასწავლებელს სჭირდება მუდმივ დინამიკაში ყოფნა, რათა არ შეჩერდეს მისი პროფესიული ზრდა - განვითარება.

 ტრენინგის დასრულების შემდეგ გავაცნობიერე ისტ-ის გამოყენების მნიშვნელობა  თანამედროვე,კონსტრუქტივისტულ პედაგოგიურ 

მიდგომებზე დაფუძნებულ სასწავლო პროცესში;
ამ ტრენინგზე მიღებული ცოდნის საშუალებით შევძლებ ისტ-ის გამოყენებას სასწავლო ერთეულის (გაკვეთილი   ან თანამშრომლობითი სასწავლო პროექტი)

ამოცანების შესაბამისად, კერძოდ:
ისტ-ის გამოყენებას სასწავლო პროცესის დასაგეგმად;
ისტ-ის გამოყენებას სასწავლო რესურსების მოსამზადებლად (შემუშავება, ადაპტირება, რედაქტირება და სხვ.);
სწავლა-სწავლების წარმართვას ისტ-ით გამდირებულ სასწავლო გარემოში; მოსწავლეთა შეფასების მეთოდების/ინსტრუმენტების გამოყენებას ისტ-ის საშუალებით;
მოსწავლეთა მიერ ისტ-ის გამოყენების შეფასებას;·
აუცილებლად გამოვიყენებ  ისტ-ს  სწავლების პროცესში.

ხელმოწერა: ლილი ექსეულიძე

ტრენინგის ანგარიში

ტრენინგი თემაზე ,, ინგლისური ენის სწავლების მეთოდიკა”

1.ჩატარების პერიდი/ თარიღი

23.02.2013   5 საათის ხანგძლივობით.

2.ჩატარების ადგილი.

ქუთაისის უნივერსიტეტი, აკ. წერეთლის 13, "ევროპული ცენტრის" ოფისი.

3.აქტივობის ორგანიზატორი

ევროპული ცენტრი  ,,European Centre”

4.მიზნობრივი ჯგუფი.

ინგლისური ენის პედაგოგები.

5. აქტივობის მიზანი

პედაგოგებმა შეისწავლონ და გაიღრმავონ ცოდნა თანამედროვე ინგლისური ენის სწავლების მეთოდიკაში, მოემზადონ მასწავლებელთა საერთაშორისო სასერთიფიკაციო ადგილობრივი და მსოფლიოში აღიარებული  TKT გამოცდისთვის.

 6. აქტივობის დეტალური აღწერა

აღნიშნული ტრენინგ-კურსი მოიცავდა ერთ მოდულს, კურსის სრული ხანგრძლივობა იყო ხუთსაათიანი  ტრენინგი.
ტრენინგის დასაწყისში  მონაწილეებმა გავიცანით ერთმანეთი. ტრენერმა ირმა შანშიაშვილმა გაგვაცნო ტრენინგის მიზანი , შინაარსი ,შედეგები, განრიგი, საორგანიზაციო საკითხები, მუშაობის ფორმები, სამუშაო წესები, მონაწილეთა შეფასების საკითხები. შემდეგ ტრენერმა დაგვირიგა სამუშაო მასალა და და დავიწყეთ საკითხების განხილვა და პრაქტიკული მუშაობა.

 ტრენინგის პირველ ნაწილში ავღწერეთ ინგლისური  ენა და ენობრივი უნარები, დავახასიათეთ მეტყველების ნაწილები და  და სიტყვის გრამატიკული შემადგენლობა; ლექსიკა და სიტყვათწარმოება ,ფონოლოგია და ფუნქციები. შევასრულეთ პრაკტიკული დავალებები, ვიმსჯელეთ პასუხებზე.

თანმიმდევრობით გავიარეთ ენის ფლობის ოთხი ძირითადი უნარი: წერა , კითხვა, მოსმენა და ლაპარაკი. შემდეგ გავეცანით მოსწავლეთა მოტივირების ხერხებს, შეცდომების როლი სწავლის პროცესში; განსხვავებები  მშობლიურ და უცხო ენებს შორის; დავახასიათეთ მოსწავლეები ცოდნის ათვისების უნარის მიხედვით და  მოსწავლეთა საჭიროებები.

ტრენინგის მეორე ნაწილში გავეცანით საგაკვეთილო მოდელებს PPP და  TBL. განვიხილეთ დავალების ტიპები, შეფასების ფორმები და ცოდნის შესაფასებელი დავალებები.

ტრენინგის ბოლოს შევასრულეთ შემაჯამებელი ტესტი და მივიღეთ სერტიფიკატები.

7.მიზნის მიღწევის ხარისხი

ტრენინგ-კურსის განმავლობაში ვმუშაობდით როგორც ინდივიდუალურად, ასევე გუნდებში. მონაწილეობას ვიღებდით დისკუსიებში. ვიღებდით ტრენერის სიტყვიერ შეფასებას დავალებების შესრულების შემდეგ. შემაჯამებელი ტესტის წარმატებით შესრულების  შემდეგ დავჯილდოვდით სერტიფიკატებით.

8.მნიშვნელობის დასაბუთება 

ტრენინგი ჩემთვის მეტად ნაყოფიერი იყო. ტრენინგის დახმარებით

 გავეცანი ინგლისური ენის მეთოდიკას და კურსს, რომელიც დამეხმარება  დავგეგმო და ჩავატარო გაკვეთილები თანამედროვე სტანდართების მოხედით, ამასთანავე გავითვალისწინო მოსწავლეთა ინდივიდუალური თავისებურებები და საჭიროებები.

მიღებულ ცოდნას გამოვიყენებ სწავლების პროცესში და გავიზიარებ კოლეგებს.

ხელმოწერა: ლილი ექსეულიძე

მაკმილანის კონფერენცია ,,Macmillan Education”.

ანგარიში

1.ჩატარების პერიდი/ თარიღი

22 ივნისი 2013 წ. 5 საათის ხანგრძლივობით

2.ჩატარების ადგილი.

ქუთაისი, ა.წერეთლის სახელმწიფო უნივერსიტეტი

3.აქტივობის ორგანიზატორი

მაკმილანის გამომცემლობის  წარმომადგენელი საქართველოში, ორგანიზაცია ,,English book in Georgia”.

4.მიზნობრივი ჯგუფი

პედაგოგები.

5. აქტივობის მიზანი.

მაკმილანის გამომცემლობის  სახელმძღვანელოების ავტორების შეხვედრა ადგილობრივ პედაგოგებთან. სახელმძღვანელოებთან მუშაობის პრინციპებისა და მეთოდების გაცნობა მათთვის.

6. აქტივობის დეტალური აღწერა

კონფერენცია გახსნა Macmillan-ის რეგიონალურმა დირექტორმა ცენტრალურ და აღმოსავლეთ ევროპაში Andy Pool -მა. მან ისაუბრა ინგლისური ენის მნიშვნელობასა და როლზე თანამედროვე მსოფლიოში; მოზარდ მოსწავლეთა ასაკობრივ თავისებურებებზე, მაკმილანის გამომცემლობის საქმიანობაზე მსოფლიოსა და საქართველოში.

საშუალო საფეხურის სახელმძღვანელო  ,, Gateway”-ის  ავტორმა David Spencer-მა წარმოადგინა პრეზენტაცია თემაზე ,,როგორ ვასწავლოთ მოსწავლეებს საშუალო საფეხურზე“,, How to teach secondary classes “.გაგვაცნო მათი ასაკის თავისებურებები, მოტივაციის ამაღლების მეთოდები, კლასის მართვის სტრატეგიები.

საბაზო საფეხურის სახელმძღვანელო,,New Inspiration”-ის თანაავტორმა Judy Garton- Sprenger- მა წარმოადგინა საკონფერენციო თემა ,,სწავლის სტილი“,, Learning in Style”, სადაც ისაუბრა სწავლისა და სწავლების სხვადასხვა სტილზე, როგორიცაა სწავლა მოსმენით, ვიზუალურად, სწავლა ფიზიკური აქტივობებით, ინტერ-და ინტროპერსონალური სწავლის თავისებურებები.

კონფერენციის ბოლო მომხსენებელი იყო დაწყებითი საფეხურის სახელმძღვანელოს  ,,English World”-ის ავტორი Teresa Doguelli , რომელმაც წარმოგვიდგინა,,XXI  საუკუნის მოსწავლეების მოტივაციის ამაღლების 10 ხერხი“.

მსმენელები აქტიურად ვიყავით ჩართული კომფერენციის მსვლელობაში,ვასრულებდით სხვადასხვა აქტივობებს, ვსვავდით ჩვენთვის საინტერესო შეკითხვებს. კონფერენციის ბოლოს გათამაშდა სახელმძღვანელოს მიხედვით დამზადებული თვალსაჩინოებები  და წიგნები.

7.მნიშვნელობის დასაბუთება 

კონფერენცია ჩემთვის ძალიან მნიშვნელოვანი  და საინტერესო იყო. ავტორებისგან შევიტყვეთ როგორ შეიძლება  განვახორციელოთ სახელმძღვანელოებში წარმოდგენილი მრავალფეროვანი აქტივობები, ამასთანავე გავითვალისწინოთ მოზარდა მოსწავლეთა ასაკობრივი თავისებურებები და დაწყებითი კლასების მოსწავლეებისთვის სახალისო გავხადოთ სასწავლო მასალა. მოღებულ ცოდნას გამოვიყენებ სწავლების პროცესში და გავუზიარებ კოლეგებს.

 ხელმოწერა: ლილი ექსეულიძე

ონლაინ ტრენინგ-კურსის ანგარიში

ტრენინგი-კურსი თემაზე ,, სასწავლო ტექნოლოგიების გამოყენება კლასში “.

Teacher Training and Development Online Courses ,, Learning  Technologies for the Classroom”.

1.ჩატარების პერიდი/ თარიღი

21.01.2013 -20.04.2013   40  საათის  ხანგრძლივობით.

2. აქტივობის ორგანიზატორები

სსიპ ,, მასწავლებელთა პროფესიული განვითარების ეროვნული ცენტრი“  , ,, British Council Georgia”.

4. მიზნობრივი ჯგუფი

ინგლისური ენის პედაგოგები.

5. აქტივობის მიზანი

 პროექტის მიზანია ინგლისური ენის პედაგოგების დახმარება  პროფესიული განვითარებასა და კარიერულ ზრდაში.

6. აქტივობის დეტალური აღწერა

აღნიშნული ტრენინგ-კურსი მოიცავდა 12 მოდულს. კურსის სრული ხანგრძლივობა იყო დაახლოებით  40 საათი.
კურსის დასაწყისში  ტრენინგის მონაწილეებმა გავიცანით  ერთმანეთი და კურსის მოდერატორი  Sanja Bozinovic-ი.  გავეცანით კურსის თანამონაწილეებთან და მოდერატორთან ურთიერთობის ხერხებს , კურსის შინაარსს , შედეგებს, განრიგს, საორგანიზაციო საკითხებს, მუშაობის ფორმებს, სამუშაო წესებს, მონაწილეთა შეფასების საკითხებს..

მეორე სესიაზე   მონაწილეები გავეცანით სასწავლო ტექნოლოგიების სახეებს, ვიმსჯელეთ სასწ. ტექნოლოგიების ინტეგრაციაზე გაკვეთილის გეგმასა და სილაბუსთან.  ერთობლივად ჩამოვაყალიბეთ რა დადებითი და უარყოფითი თვისებები გააჩნია საწავლო ტექნოლოგიების გამოყენებას კლასში.

მესამე სესიაზე  გავეცანით კომერციული და არაკომერციული საიტების სახეებს,  თუ როგორ არის ფორმირებული ვებ-მისამართები და რაში შეიძლება გამოვიყენოთ ეს ცოდნა. ჩამოვაყალიბეთ ვებ-გვერდების შეფასების კრიტერიუმების სია და შევარჩიეთ  სასწავლო მიზნების შესაბამისი ვებ-გვერდები.

მეოთხე სესიაზე  მონაწილეები გავეცანით სასწავლო პროცესში ვებ-რესურსების ინტეგრირების ხერხებს, ინტერნეტ-რესურსებზე დაფუძნებული აქტივობების კრიტიკული შეფასება,  ერთმანეთს გავუზიარეთ ვებ-რესურსებზე დაფუძნებული საგაკვეთილო იდეები.

მეხუთე სესიაზე მონაწილეებმა ერთმანეთს გავუზიარეთ იდეები ოფისს პროგრამების Word  და Power Point-ის   გამოყენების იდეები ინტერაქციული სწავლების დროს. გავეცანით მოდერატორის მიერ შერჩეულ საგაკვეთილო გეგმებს , შევაფასეთ დავალებების კომპიუტერზე შესრულების და მსგავსი დავალების  რვეულში შესრულების დადებითი და უარყოფითი მხარეები.

 მეექვსე სესიაზე ვისწავლეთ საავტორო  უფლებებით დაცული ინტერნეტ-რესურსების მოძიება და გამოყენება; საძიებო პროგრამების პრაქტიკული გამოყენება სტუდენტებთან; დავათვალიერეთ სხვადასხვა საძიებო სისტემები, შევადარეთ მათი მუშაობის მექანიზმები და უპირატესობები; ვისწავლეთ როგორ გამოვიყენოთ საავტორო უფლებებით დაცული რესურსები და დავგეგმოთ გაკვეთილი მათი დახმარებით.

მეშვიდე სესიაზე მოდერატორმა წარმოგვიდგინა კიბერ სამყაროს მოხმარების წესები საავტორო უფლებების დარღვევის გარეშე; შევაფასეთ ის პოტენციური რისკი რაც შეიძლება გაჩნდეს მოსწავლეების მიერ ინტერნეტის გამოყენების დროს; რა გავლენა შეიძლება მოახდინოს ინტერნეტ-თაღლითობამ მოსწავლეებზე და როგორ გადავჭრათ ეს პრობლემა; როგორ დავიცვათ ბავშვების უსაფრთხოება ინტერნეტში მუშაობის დროს; გავეცანით რეკომენდირებული საიტების სიას, რომლებიც შეიძლება გამოვიყენოთ ბავშვებთან და ამით შევამციროთ ინტერნეტ-თაღლითობის რისკი.

მერვე სესიაზე  განვიხილეთ ოფისს  პროგრამების Word და Power Point-ის   გამოყენებით აქტივობების შექმნა და გამოყენება გაკვეთილზე, გავეცანით აქტივობების ნიმუშებს; შევქმენით და ავტვირთეთ საკუთარი რესურსები, გავუზიარეთ ერთმანეთს იდეები; შევაფასეთ კომპიუტერზე დაფუძნებული აქტივობების დადებითი და უარყოფითი ბმხარეები და მათი ექვივალენტი ბეჭდური აქტივობები.

მეცხრე სესიაზე განვიხილეთ პარტნოირ სკოლებთან კოლაბორატიული მუშაობისთვის საჭირო მოწყობილობები;  გავაზიარეთ სასკოლო პროექტების დაგეგმვისა და განვითარების იდეები; შევაფასეთ სასკოლო პროექტების  მნიშვნელობა სწავლების პროცესში.

 მეათე სესიაზე გავეცანით   WEB 2.0-ის თვისებებს და უპირატესობებს; როგორ განვავითაროთ სასწავლო იდეები WEB 2.0-ის გამოყენებით.

 მეთერთმეტე სესიაზე  განვიხილეთ და დავახასიათეთ ბლოგები; გავეცანით ინგლისური ენის შესწავლისთვის  და სწავლებისთვის შექმნილ ბლოგებს; ბლოგების გამოყენება ენის ეფექტური სწავლებისათვის. ვისწავლეთ ბლოგის შექმნა და წარმოვადგინეთ საკუთარი ნიმუშები. გავეცანით ვიკის ტიპის საიტებს და მათი მუშაობის მექანიზმებს, ინგლისური ენის შემსწავლელთათვის გამოყენებული ვიკის საიტები; წერითი დავალებების შემოწმება და შეფასება ვიკის მეშვეობით; ვიკის საგაკვეთილო პროცესში გამოყენება. შევქმენით ვიკი-საიტები, გავუზიარეთ ერთმანეთს მოსაზრებები და იდეები.

 მეთორმეტე სესიაზე ვისწავლეთ სოციალური ნეთვორქის საგანმანათლებლო მიზნით გამოყენება; შევაფასეთ სოციალური ნეთვორქინგის საიტების სარგებლობა სასწავლო მიზნების მისაღწევად, შესაძლებლობებისა და რისკის გათვალისწინება სასწავლო პროცესში გამოყენების დროს, გავაზიარეთ  სოციალური ნეთვორქინგის სასწავლო პროცესში გამოყენების იდეები.

სესიაზე განვიხილეთ ლაპარაკისა და მოსმენის უნარ-ჩვევების გაანვითარების შესაძლებლობები ონლაინ რესურსების გამოყენებით; შევაფასეთ აუდიო და ვიდეო რესურსების დადებითი და უარყოფითი მხარეები; ვისწავლეთ ციფრული აუდიო და ვიდეო რესურსების შექმნა .

კურსის დასასრულს გავეცანით სასარგებლო საიტებს და გაერთიანებებს რომლის დახმარებით შევიტყობთ სიახლეებსა და ცვლილებებზე საგანმანათლებლო ტექნოლოგიებში; შევავსეთ კურსის შეფასების კითხვარები.

კურსის შინაარსი:

1.      სასწავლო ტექნოლოგიები: დადებითი და უარყოფითი მხარეები

2.      ვებგვერდების შეფასება და შერჩევა

3.      ვებ რესურსების ინტეგრირება სასწავლო პროცესში

4.      ოფის აპლიკაციების გამოყენება მასწავლებლებისათვვის საგაკვეთილო პოროცესში

5.      ძებნა და გამოყენება იმ რესურსების რომელთაც აქვთ საავტორო უფლება

6.      კიბერ სამყაროს მოხმარება საავტორო უფლებების დარღვევების გარეშე (ნეტიკეტი...)

7.      იდეები სასკოლო პროექტებისათვის

8.      ინტერაქტიული ვების გამოყენება საგაკვეთილო პროცესის უკეთ წარმართვისათვის

9.      კოლაბორაციული ონლაინ წერის უნარ-ჩვევების განვითარება

10.  ონლაინ წერის უნარ- ჩვევები მასწავლებლებისა და მოსწავლეებისათვის

11.  სოციალური ნეთვორქინგის საგანმანათლებლო მიზნით გამოყენება

12.  ლაპარაკისა და მოსმენის უნარჩვევების განვითარება ონლაინ რესურსების გამოყენებით

7.მიზნის მიღწევის ხარისხი

ყოველი  თემის შემდეგ ვასრულებდით შემაჯამებელ დავალებებს გავლილ მასალაზე, ვმონაწილეობდით ფორუმებში , ვქმნიდით  სასწავლო რესურსებს, ვიღებდით ადმინისტრაციის შეფასებას და მოდერატორის კომენტარებსა და მითითებებს,

8.მნიშვნელობის დასაბუთება 

ტრენინგი ჩემთვის მეტად ნაყოფიერი იყო. ტრენინგის დახმარებით ჩემი ზედაპირული 

ცოდნა ამ საკითხებთან დაკავშირებით უფრო საფუძვლიანი გახდა,  დავრწმუნდი მათი 

გამოყენების აუცილებლობა - საჭიროებაში. მივხვდი, რომ მასწავლებელს სჭირდება მუდმივ დინამიკაში ყოფნა, რათა არ შეჩერდეს მისი პროფესიული ზრდა - განვითარება.

 ტრენინგის დასრულების შემდეგ გავაცნობიერე ისტ-ის გამოყენების მნიშვნელობა  თანამედროვე,კონსტრუქტივისტულ პედაგოგიურ 

მიდგომებზე დაფუძნებულ სასწავლო პროცესში;
ამ ტრენინგზე მიღებული ცოდნის საშუალებით შევძლებ სასწავლო ტექნოლოგიების გამოყენებას სასწავლო ერთეულის (გაკვეთილი   ან თანამშრომლობითი სასწავლო პროექტი) ამოცანების შესაბამისად.

მიღებულ ცოდნას გამოვიყენებ სწავლების პროცესში და გავუზიარებ კოლეგებს.

ხელმოწერა: ლილი ექსეულიძე

ტრენინგის ანგარიში

ტრენინგი თემაზე ,, თანამშრომლობითი პროექტების დაგეგმვა და მართვა eTwinning Plus ფარგლებში."

1.ჩატარების პერიდი/ თარიღი

28.10.2013-01.11.2013   

2.ჩატარების ადგილი.

წყალტუბო, სასტუმრო

3.აქტივობის ორგანიზატორი

 მასწავლებელთა პროფესიული განვითარების ეროვნული ცენტრი.

4.მიზნობრივი ჯგუფი.

საჯარო სკოლის პედაგოგები.

5. აქტივობის მიზანი

საქართველოს სკოლების მასწავლებელთა პროფესიული განვითარება, პედაგოგებმა შეისწავლონ სასწავლო და თანამშრომლობითი პროექტების დაგეგმა და მართვა, პარტნიორების მოძიება  eTwinning Plus პლატფორმაზე.

6. აქტივობის დეტალური აღწერა

ტრენინგის პირველ დღეს მონაწილეები გავემგზავრეთ წყალტუბოში და განვთავსდით სასტუმროში. შემდეგ შევიკრიბეთ სააქტო დარბაზში, სადაც ტრენინგის ადმინისტრატორმა გაგვაცნო ტრენინგის მიზნები და წარადგინა eTwinning Plus-ის პროგრამა. საერთო პრეზენტაციის შემდეგ გავიყავით სამუშაო ჯგუფებად და განვაგრძეთ მუშაობა აუდიტორიებში, სადაც მასწავლებელთა სახლის ტრენერი ხათუნა ციხელაშვილი წარუძღვა ტრენინგს.ვისაუბრეთ პროექტების გამოცდილების პოზიტიურ და ნეგატიურ მხარეებზე, გამოვყავით კარგი და ცუდი  მხარეები , დღის ბოლოს შევაჯამეთ გავლილი ტრენინგი და შევავსეთ თვითშფასების დიაგრამა.

მეორე დღეს განვიხილეთ იდეების შეფასება, შეფასების კრიტერიუმები და ინდიკატორები,იდეების გაზიარების/ გავრცელების გზები და ინსტრუმენტები,საგანმანათლებლო პროექტის დანიშნულება და მაგალითები; საგანმანათლებლო პროექტების ეტაპები, პროექტის ფასილიტატორისა და მონაწილე მასწავლებლის ფუნქციები; პარტნიორთა მოძიების გზები და ფორმები.

მესამე დღეს განვიხილეთ თანამშრომლობითი პროექტები: რა სარგებლობა მოაქვს მოსწავლეებისა და მასწავლებლბისთვის. შევისწავლეთ ევროკავშირის საკვანძო კომპეტენციები და გამოვყავით პროექტის მიზნები; ვისაუბრეთ საფრთხეებზე პროექტზე მუშაობის დროს; რა საშუალებით შეიძლება წარვადგინოთ პროექტი სკოლაში. დღის ბოლოს შევაჯამეთ გავლილი მასალა და შევავსეთ თვითშეფასების ფორმები.მეოთხე დღეს შევიკრიბეთ სააქტო დარბაზში და მივიღეთ დაწვრილებითი ინფორმაცია eTwinning Plus-ის შესახებ, მოვისმინეთ პროექტის ფარგლებში პოლონეთში ნამყოფი პედაგოგების პრეზენტაციები და გავემგზავრეთ ადგილობრივ სკოლებში კომპიუტერულ ლაბორატორიებში პრაქტიკული სამუშაოსთვის. ვიმუშავეთ eTwinning Plus-ის პორტალზე , დაწვრილებით განვიხილეთ და პრაქტიკულად შევასრულეთ პარტნიორების მოძიების და პროექტში თანამონაწილეობის ხერხები.

ტრენინგი მომდინარეობდა ინტერაქტიული და ჯგუფური მუშაობის ფონზე, გაჯერებული სხვადასხვა სახის პრაქტიკული აქტივობებით.

 მეოთხე დღეს შევიკრიბეთ სააქტო დარბაზში და მივიღეთ დაწვრილებითი ინფორმაცია eTwinning Plus-ის შესახებ, მოვისმინეთ პროექტის ფარგლებში პოლონეთში ნამყოფი პედაგოგების პრეზენტაციები და გავემგზავრეთ ადგილობრივ სკოლებში კომპიუტერულ ლაბორატორიებში პრაქტიკული სამუშაოსთვის. ვიმუშავეთ eTwinning Plus-ის პორტალზე , დაწვრილებით განვიხილეთ და პრაქტიკულად შევასრულეთ პარტნიორების მოძიების და პროექტში თანამონაწილეობის ხერხები.

ტრენინგი მომდინარეობდა ინტერაქტიული და ჯგუფური მუშაობის ფონზე, გაჯერებული სხვადასხვა სახის პრაქტიკული აქტივობებით.

.8.მნიშვნელობის დასაბუთება 
ტრენინგში მონაწილეობა ჩემთვის უაღრესად მნიშვნელოვანი იყო. ტრენინგის დახმარებით ჩემი ზედაპირული 

ცოდნა ამ საკითხებთან დაკავშირებით უფრო საფუძვლიანი გახდა,  დავრწმუნდი სასწავლო პროექტების სასწავლო პროცესში ჩართვის აუცილებლობაში.

 მივხვდი, რომ მასწავლებელს სჭირდება მუდმივ დინამიკაში ყოფნა, რათა არ შეჩერდეს მისი პროფესიული ზრდა - განვითარება.

 ტრენინგის დასრულების შემდეგ გავაცნობიერე სასწავლო პროექტების გამოყენების მნიშვნელობა  თანამედროვე,კონსტრუქტივისტულ პედაგოგიურ 

მიდგომებზე დაფუძნებულ სასწავლო პროცესში;
ამ ტრენინგზე მიღებული ცოდნის საშუალებით შევძლებ დავგეგმო და ვმართო პროექტები, ასევე ვიპოვო თანამოაზრეები და ჩავერთო საერთაშორისო პროექტეში. აუცილებლედ გავუზიარებ მოღებულ ცოდნას კოლეგებს და დავეხმარები პროექტების განხორციელებაში.

ლილი ექსეულიძე.

ანგარიში
2013 წლის 8 ნოემბერს ჩავატარე კოლეგებისთვის ჩავატარე პრეზენტაცია თემაზე ,, პროექტების მნიშვნელობა სასწავლო პროცესში,პროექტის ეტაპები".კოლეგებს გავუზიარე ტრენინგზე  მიღებული გამოცდილება. ასევე წარვუდგინე eTwinning პორტალი , მისი მნიშვნელობა და მუშაობის პრინციპები. გავაცანი კოლეგებს სასწავლო პროექტის ნიმუში და შევთავაზე ერთობლივი მუშაობა  და კონსულტირება სასწავლო პროექტებთან დაკავირებით.